استشارة شيخ

[الكويت1234]

السلام عليكم ورحمة الله وبركاته
يا شيخ عما قريب راح ننتقل لبيتنا الجديد وأمي كانت شارطة على أبوي انها ما تبغى احد من العائلة يعيش معنا قبل ايام دقت جدتي على أبوي وطلبت انها تعيش معنا وانا وإخواني صراحة ما ودنا لان جدتي ام أبوي راعيت مشاكل وهي للحين تتكلم تبي أبوي يطلق أمي ويتزوج وحدة من بنات اختها فأنا أخاف تدخل بينا وتخلي أبوي يطلق أمي مثل ما سويت مع عمي لان كان متزوج خالتي اخت أمي وأمي تصير بنت شريكتها من زوجها الثاني ،زوجها الاول كان ابو أبوي الي هو عن أمي مرض ومات الله يرحمه وبعد ما مات تزوجها اخوه واخوه كان متزوج قبلها جدتي الثانية وعنده منها 3 بنات وصبي أمي قالت لابوي لو أمك بروحها عادي بس جدتي تبي تجئ هي و2 عمامي واحد عمره باخر العشرينيات ومش متزوج وواحد عمره 17 سنة وعمتي عمرها 26 مو متزوجة ما ادري شلون احل السالفة لان ما ابي أقول أبوي يعصي أمه بس ادري ان أمي ما راح ترتاح ببيتها اذا جو وعمتي راعت مشاكل . أنا ما ابي أمي تنظر ببيتها وما ترتاح وجدتي تعاملها معاملة انها زوجة أبوها مو انها زوجة ابنها وأمي دائماً تقوم فيها وتحمل كلامها تحثنا على زيارتها أسبوعيا حتى اذا هي ما قدرت تروح معنا