هل أقف مع أمي او أبي ؟!

[الباش مهندس]

السلام عليكم فضيلة الشيخ عيسى

والله العظيم بلغت مني الحيرة مبلغا عظيما .. واحيانا اسوي شي واندم عليه

مابي اطول عليك القصة وبقولها باختصار




ابوي تزوج على أمي زواج بالسر من 7 سنين .. وجاب ولد وبنت من هذا الزواج

للتو من اقل سنة اكتشفنا هذا الزواج .. وطبعا صارت مشاكل كثيرة بين امي وأبوي


الشاهد من الموضوع

اني اشوف امي دايم تكلم ابوي وتقوله طلق زوجتك الثانيه ( من مبدأ غيرتها على زوجها ) وابوي يرفض هذا الشي .. واحيانا يلعب ويستهتر بمشاعرها .. وأبوي للأسف أسلوب الحوار عنده ضعيف جدا

وامي اول ماتشوف هذا الاستهتار تفيض دموعها وتبكي امامي وامام اخوتي الصغار .. وانا بصراحه ماتحمل هذا المشهد وانا عمري فوق 23 سنة .. فكيف يتحمله اخواني الصغار ( 8 سنوات و 12 سنة )


القضية كبرت وصارت عمتي تؤيد ابوي على زواجه ( لانه فيه مشاكل بينها وبين امي من زمان ) ... وامي توقف لحالها ضد ابوي وزوجته الثانيه وعمتي

بعد ماوقفت عمتي مع ابوي .. انا صرخت على ابوي ورفعت صوتي عليه وقلت له طلق زوجتك الثانيه وريحنا من المشاكل هذه

وايضا عمتي دايما تسوي عزيمة اسبوعيه كل يوم جمعه .. انا قاطعت هذه العزيمة وماجيتها


كل هذا صراحه لاني ماقدر اشوف دموع امي قدامي واشوفها ضعيفة .. وكل الناس ضدها .. انا بصراحه ماتحمل هذا المنظر

لو ماوقفت انا مع امي ماحد بيوقف معاها ابد ...

ابوي الله يهديه بزواجه السري شق العائلة لقسمين



هل اللي سويته يعتبر علي ذنب وعقوق تجاه ابي او لا ... وممكن ارشادكم وتوجيهاتكم في هذا الامر ..

اتمنى اني ماطولت عليكم فضيلة الشيخ