انا مش عارفه اعمل ايه ارجوك ساعدنى

[نوجا]

السلام عليكم ورحمه الله وبركاته

اولا انا بنت عندى 20 سنه بالجامعه تعرفت على شاب اكبر منى بخمس سنوات
ولك ان تتخيل مدى تعلقى به نظرا لصغر سنى وللأسف امتد ذلك للزنا والعيوذ بالله
مع الاحتفاظ بعذريتى وطبعا هو واعدنى بالزواج بس انا مش مصدقاه لان الحجج كترت اوى ولحد دلوقتى مفتحش اهله وفى كل مره بسيبه فيها بيبقى عندى هاجس ان انا هتفضح واهلى هيعرفه وانا حاسه انى بتصرف غلط وخايفه جدا لا فى يوم اموت قبل ما اتوب
نظرا انه كل ما ازنى بندم واتوب واصلى وانتظم بس ارجع للزنا تانى لانى بضعف قدامه وانا نفسى معملش حاجه تغضب ربنا ونفسى انتظم فى الصلاه واسيب الانسان ده بس مش عارفه اسيبه ازاى ونفسى اتوب توبه نصوحه وهل ربنا هيسامحنى ويغفرلى ؟؟